2017年11月7日星期二

HKUE 俾高登巴打抹黑

話時話吖,經常喺高登,見到HKUE俾人話佢,有幾唔掂,有幾呃人,其實通通我都唔係事實全部。點解咁講?因為我係入邊讀咗幾年,由高級文憑開始,讀到大學銜接學位課程畢業。期間都冇出現過高登裏面所講嘅嘢,一啲都冇,全部都係俾高登仔抹黑。

仲記得,响三年前有朋友介紹去呢間野度面試喎,話可以有由高級文憑讀起,之後再銜接海外學位課程,大約最快三年半時間可以畢業。當時心諗,邊有咁着數㗎,就算有,都冇咁容易啦。不過當時暑假冇嘢做,咪試吓囉。唔得嘅話,最多損失報名費啫,當去攞個經驗,試下面試。都冇壞吖,唔掂就即走。以後唔再返嚟。

到面試當日,上到去校舍,見到又有啲規模喎。配套除咗課室之外,亦都起碼有圖書館,又有酒店模擬實習室。當日係返學日,亦都有好多學生上緊課,唔似係流喎。如果係流嘅,邊有咁多學生喺度入讀吖,冇理由個個都係茄喱啡啩。而且開咗咁多年,都仲有咁多學生入讀,應該唔會呃人卦。如果真係呃人,每年都有咁多學生俾人呃?咁無知?

講返面試嗰陣,成個過程都好認真。除咗了解我報讀嘅原因之外亦都會俾一啲客觀事實俾我,讓我可以做出適當嘅選擇,期間完全冇被 sell 嘅感覺。

放榜之後,都有比較過同類型嘅學校同埋課程,最後決定都係讀呢間。結果真係冇令我失望,高級文憑畢業之後,仲跟學校去咗一個遊學團。學校真係有守承諾喎,個個有返學校做足功課,出席率又夠八成嘅,都有得去。就去足一星期澳洲,體驗當地院校嘅校園生活。

返香港之後,我就決定讀埋佢哋提供嘅銜接學位課程。現時我已經畢咗業,返工做緊嘢。諗返起當初嘅擔心完全係多餘,所以你話高登裏面所講嘅 HKUE 嘅嘢,一啲都唔係事實。完全只係高登仔抹黑。冇人可以 challenge 我,因為我由頭讀到尾,呢個係我親身嘅體驗,係事實。